ಪ್ರೀತಿ

ನಡೆದು ಬಾ ಬಳಿಗೆ ಸುಮ್ಮನೆ ಹಾಗೆ ಮಾತೊಂದು ಆಡಬೇಡ ನಗುವೊಂದಿರಲಿ ಜೊತೆಗೆ   ಕಣ್ಣುಗಳೇ ಮಾತಾಡುವಾಗ ಬೇರೆ ಮಾತೇಕೆ ಈಗ ಮೌನದಿ ಹೃದಯದ ಭಾಷೆ ಕೇಳಲು ಎಂಥ ಸೊಗಸೆ   ಪ್ರೀತಿಯ ಮೂಟೆ ಹೊತ್ತು ಅದರಲಿ ಸಾವಿರ ಕನಸನಿತ್ತು ಜೊತೆ ಬಾರೆ ಮೆಲ್ಲಗೆ ಮೌನದ ಆಭರಣ ಇರಲಿ ತೆಳ್ಳಗೆ   ಮೌನದಿ ಬೇಡ ಮಾತಿನ ಮೋಹ ಆರದು ಎಂದು ಪ್ರೀತಿಯ ದಾಹ ನೀನಿರದ ಸನಿಹ ಭರಿಸಲಾಗದು ವಿರಹ

ಕನ್ನಡಿಗೆ
ಅವಳ ಕಣ್ಣಲ್ಲಿ
ಪ್ರತಿಬಿಂಬವಾಗುವ ಬಯಕೆ!
~

ಮೋಸಹೋಯಿತು ಕನ್ನಡಿ…
ಅವಳ ನಿಜ ರೂಪ
ತೋರಲೇ ಇಲ್ಲ!
~

ಕನ್ನಡಿಗೂ
ಎಡ-ಬಲಗಳ
ಗೊಂದಲ ಕಳೆದಿಲ್ಲ…
~

ಅವನ ಮುಖಗಳ
ಎಣಿಸಲಾರದೆ
ಕನ್ನಡಿ
ನೂರು ಚೂರಯಿತು…